२०८१ फाल्गुन ७       About us    Advertise    Nepali Unicode    Preeti to Unicode               

४ कात्तिक, विराटनगर । विराटनगरमा एकै दिन ७ जनाको कोरोना भाइरस संक्रमणका कारण मृत्यु भएको छ । विभिन्न कोभिड अस्पतालमा उपचारको क्रममा पाँच महिला र दुई पुरुषको मृत्यु भएको हो ।

कोशी अस्पताल कोभिड–१९ उपचार केन्द्रमा ३ जना, विराट नर्सिङ होम, न्यूरो, विराट र नोबेल शिक्षण अस्पतालमा एक–एक जनाको उपचारका क्रममा कोरोनाबाट मृत्यु भएको हो । विराटनगरमा एकै दिन मृत्यु भएको संक्रमितको संख्या अहिलेसम्मकै उच्च हो ।

मृत्यु हुनेमा मोरङ कटहरी गाउँपालिका–२ आदर्श टोलकी २१ वर्षीया युवती, विराटनगर महानगरपालिका–१२ की ६४ वर्षीया वृद्धा, इटहरी उपमहानगरपालिका–५ का ३८ वर्षीय पुरुष, रंगेली नगरपालिका–३ का ८५ वर्षीय वृद्ध पुरुष, विराटनगर महानगरपालिका–१० की ६४ वर्षीया वृद्धा, विराटनगर महानगरपालिका–७ की ६९ वर्षीया वृद्धा र झापाको बिर्तामोड नगरपालिका–४ की महिला रहेका छन् ।

यस्तै विराटनगरको कोशी अस्पतालमा मृत्यु भएका मोरङको रतुवामाई नगरपालिका–४ का ४० वर्षीय पुरुषको भने पीसीआर परीक्षण रिपोर्ट आउन बाँकी छ ।

प्रतिक्रिया

सम्बन्धित खवर

error: Content is protected !!