२०७९ माघ २२       About us    Advertise    Nepali Unicode    Preeti to Unicode               

पाल्पा, २० कात्तिक । पाल्पाको रैनादेवी छहरा गाउँपालिकाले बाँझो जमिन उपयोग गर्ने किसानहरूलाई अनुदान वितरण गरेको छ । लकडाउनको समयमा विभिन्न वडाहरूमा बाँझो जमिनको उपयोग गर्ने ११४ जना किसानलाई अनुदान वितरण गरिएको हो ।

गाउँपालिका अध्यक्ष रामबहादुर कार्कीले किसानहरूलाई अनुदान वितरण गर्दै यस प्रकारको अभियानले उद्यमशीलता प्रवर्द्धन हुने भएकोले गाउँपालिकाले महत्त्व दिएर यो कार्यक्रम बनाएको बताए ।

उपाध्यक्ष चेत कुमारी थापाले गाउँपालिकाले लकडाउनको समयमा मानिसहरू कृषिमा उत्प्रेरित भइरहेको बेला अनुदानको कार्यक्रम ल्याएको बताए ।

प्रमुख प्रशासकीय अधिकृत खेतबहादुर खत्रीले गाउँपालिकाले बाँझो जमिन उपयोग गर्ने किसानहरूको लागि फलफूल लगाउनेलाई प्रतिरोपनी २ हजार र खेती गर्नेलाई प्रतिरोपनी ३ हजारका दरले अनुदान रकम वितरण गरिएको जानकारी दिए ।

अनुदान रकम लिनका लागि पालिकाले तोकेअनुसार कम्तीमा ३ रोपनीमा खेती तथा फलफूल लगाएको हुनुपर्ने व्यवस्था गरेको उनले बताए ।

यसरी बाँझो रहेको जमिन उपयोग गरेबापत पालिकाले अनुदान रकम वितरण गरेपछि किसानहरु उत्साहित भएका छन् ।

प्रतिक्रिया

सम्बन्धित खवर

error: Content is protected !!