काठमाडाैँ, २१ जेठ । प्रधानमन्त्री केपी शर्मा ओलीले मन्त्रिपरिषद विस्तारका क्रममा मन्त्रीहरुको हेरफेर गरेका छन् । उनले आफूसँग प्रधानमन्त्रीसहित थप सात मन्त्रालय राखेर तीन जना उपप्रधानमन्त्री तोकेका छन् । उनीहरुको अहिले केहीबेरमा शीतल निवासमा पद तथा गोपनीयताको शपथ हुँदैछ ।

प्रधानमन्त्रीका विज्ञ सल्लाहकार रामशरण बजगाईकाअनुसार पुरानामा चार मन्त्री कायम राखेर बाँकी सबै नयाँ अनुहारलाई मन्त्री बनाइएको छ । पुराना अनुहारमा उपप्रधानमन्त्रीसहित अर्थमन्त्री विष्णुप्रसाद पौडेल, शिक्षामन्त्री कृष्णगोपाल श्रेष्ठ, भौतिक पूर्वाधार तथा यातायात मन्त्री वसन्तकुमार नेम्वाङ र कानुन न्याय तथा संसदीय मामिला मन्त्री लीलानाथ श्रेष्ठ कायमै रहेका छन् ।

प्रधानमन्त्री केपी शर्मा ओली : सुरक्षा, गृह, सञ्चार, पर्यटन, कृषि, उद्योग वाणिज्य र सामान्य प्रशासन।

विष्णु पौडेल : उपप्रधानमन्त्री, अर्थ

राजेन्द्र महतो : उपप्रधानमन्त्री, शहरी विकास

रघुवीर महासेठ :उपप्रधानमन्त्री, परराष्ट्र

कृष्णगोपाल श्रेष्ठ :शिक्षा मन्त्री

बसन्तकुमार नेम्वाङ :मन्त्री, भौतिक पूर्वाधार तथा यातायात

लीलानाथ श्रेष्ठ :मन्त्री, कानून न्याय तथा संसदीय मामिला

शरतसिंह भण्डारी : मन्त्री, ऊर्जा

अनिल झा : मन्त्री, खानेपानी तथा सरसफाई

विमल श्रीवास्तव : श्रम तथा रोजगार

उमाशंकर अरगरिया : मन्त्री, वन तथा वातावरण

लक्ष्मणलाल कर्ण :मन्त्री, भूमि व्यवस्था

चन्दा चौधरी: मन्त्री, महिला,बालबालिका तथा ज्येष्ठ नागरिक

एकवाल मियाँ :मन्त्री, युवा तथा खेलकुद

चन्द्रकान्त चौधरी : राज्यमन्त्री, ऊर्जा

रेणुका गुरुङ : राज्यमन्त्री, महिला,बालबालिका तथा ज्येष्ठ नागरिक