अजय मण्डल
देवानगञ्ज, ३ वैशाख । प्रहरीले सुनसरीको देवानगञ्जबाट भारततर्फ लैजाँदै गरेको अवस्थामा तीन सय लिटर डिजल बरामद गरेको छ । शुक्रबार इलाका प्रहरी कार्यालय देवानगञ्जको टाेलीले देवानगञ्ज गाउँपालिका वडा नं ७ बस्ने २९ वर्षीय इन्द्रनारायण यादव र २५ वर्षीय गणेशप्रसाद यादवलाइ पक्राउ गरेको हो ।
आज बिहान विशेष सुराकीको आधारमा इलाका इन्चार्ज गन्जेन्द्रबहादुर श्रेष्ठको नेतृत्वमा खटिएको टोलीले उनीहरूलाइ पक्राउ गरेको हो । बिहानको ९ बजे देवानगञ्ज गाउँपालिका-३ को बाइपास बाटोमा डिजल भारततर्फ लैजाँदै गरिएको अवस्थामा प्रहरीले पक्राउ गरेको हो ।
अन्य एक जना भने फरार छन् । को ३० प २९९० नम्बरको चालक फरार भएको इलाका प्रहरी कार्यालय देवानगञ्जले जनाएको छ । डिजलसहितको नियन्त्रण परेका २ जना र मोटरसाइकल जिल्ला पठाइएको उक्त कार्यालयले जनाएको छ ।
