देवानगञ्ज, ९ जेठ । सुनसरिको देवानगञ्ज गाउँपालिका-५ मा रहेको श्री राधाकृष्ण त्रिशक्ति युवा क्लबले सीमामा खटिएका सुरक्षाकर्मीहरुलाई स्वास्थ्य सामग्री वितरण गरेको छ । आइतबार उक्त क्लबले साहेबगञ्ज बोर्डर आउटपोष्ट र इलाका प्रहरी कार्यालय साहेबगञ्जलगायतका ठाउँमा पुगेर मास्क, सेनिटाइजर, फेस सिल्ड, पन्जालगातयत स्वास्थ्य सामग्री वितरण गरेको हो ।
यसअघि पनि उक्त क्लबले कोरोना भाइरसको नयाँ भेरियन्ट तीव्र गतिमा फैलिएसँगै बोर्डर आउट पोस्ट साहेबगञ्जका सुरक्षाकर्मीहरूलाई खाजा वितरण गरेका थिए । अघिल्लो आइतबार उक्त क्लबले सीमा सुरक्षामा खटिएका सुरक्षाकर्मी तथा नेपाल प्रहरीलाई खाध्यान्न सामग्री वितरण गरेकाे हो ।
क्लबका वरिष्ठ सल्लाहकार पप्पु यादवका अनुसार क्लबले यो अभियानलाइ निरन्तरता दिनेछ ।
